عشقــــــــي غيــــــــــر
تخيلت نفسي واحلم احلام صحوتي
بجو(ن)بديع(ن)فيه الاجواء غايمة
دموعك عيوني عالمحاجر ذرفتها
وبالقلب مثل الرعد تسمع هزايمه
تخيلت ماض ايام بالعشق عشتها
سهرت الليالي والمخاليق نايمه
عشقته بقلبي وانتظر ساعة اللقا
وحبي وعشقي له مدى العمر دايمة
انا حالفه ماخون حبه وعشرته
نذرته نذر في يوم الاثنين صايمة
غرامه بوسط القلب بالسر والعلن
ولا اخشى بحبي فيه لايم ولايمة
تمكن وصار اقرب من الروح للحشا
وللقلب صار اقوى روابط لزايمة
انا اشكيله اسراري ولا خاف نشرها
ولا اخاف من غشه والا اخشى ظلايمة
يسمونه الغدار من زود ظلمهم
وانا اقول للشعار مكثر لهايمة
هو البحر يللي ماعرفتوه بالشعر
وانا مغرمه بالبحر حدي وهايمة
|