ياليييـت ( بعـض النـاس ) مثلـي و تشتـاق . . .
( يـا جــارة الــوادي و أيـــاك أعـنـي ) !!
صــــدك ذبـــــح فيـنـي مفاهـيـم الاشــواق . . .
واسـقـى عـروقـي للفـراق و زرعـني

مـاغيـر واقـف لـك و اغـنـي عـلـى سـاق . . .
ابـعـد بـعـيـد مــن الـخـلايــق سـمـعـني
الـقــرب دافــــي لــكــن الـبـعــد حــــرّاق . . .
( تكـفـى ) بـــعــادك للـــكـآبـه دفـعـنـي !!

لا تنـشـد الدمـعـه عــن أيـــام الاحـــداق . . .
ولاعـــن الاحــــوال و الــبــال طـعـنــي
مـا عـــاد ياسـعـني مـسـاحه ولا أفـــاق . . .
مـن ضيقتي مـا اشـوف شـيءً وسعنـي

كتـبـنـي الـتـاريـخ فـــي صـفـحـة فـــراق . . .
و بصـفـحـة الاحـزان جـــار و طبـعـنـي
ودخلـت انـــا و الحـزن (غيبوبـة عنـاق) . . .
بعثـرتـنـي و الـحــزن عـقـبــك جـمـعـنـي

مانـيـب شـاعـر بــس صـادقــت الاوراق . . .
و أصبحـت نجـم و حزنـي اللـي صنعـنـي
لـي معجـبـيـن و لـي مكـــانـه و عـشـاق . . .
و لـي وضـعي الـلـي فـيـه ربــي وضعـني!!

ورغم اختلاف النـاس في بعـض الاذواق . . .
انــــــت الوحـيـد الـلـي بـغـيـــت ومنـعـنـي
انـــــا و ليلـي و أثـمـن كـنـوز الأعـمـاق . . .
نشـريـك و انــت تــقـول طـالـبـك بعـــنـي !!
الله كــتـب بــأنٌــا نـحــبــك و نــنــســاق . . .
أتركنـي أرضـى بـــأمـر ربــي و دعـــنـي !!

انـــــا و قلـبـي نـأخـذ لقلـبـك ( سـبـاق ) . . .
أنـشـد: وصلـنـا قــال : يـعـنـي و يـعـنـي
و انـا ادري انك تملك احساس وأخلاق . . .
أحسـاسـك الـلـي مـــن عـروقـي نـزعـني


وش فيك؟ ما تفهم؟ ترى جٌد مشتااااق . . .
سـيـف الثـوانـي فــي غيـابـك قطعـنـي !!