رويت حبك يااريش العين شريان
وغذّيت جذره من سواقي وريـدي

أسقيته احساسٍ من الوجـد تحنـان
يفيـض حبـي لـك ولانـي زهـيـدي

بنيت لك فـي داخـل القلـب بنيـان
تسكـن بقلـبـي بالحنـايـا وحـيـدي

ان كان تبغي لك مع الناس عنوان
تلقا حروف القلب رمـز البريـدي

مشاعـر الانسـان لاحـب طـوفـان
مشـاعـرٍ فيـهـا المـحـبـه تـفـيـدي

الحـب مايشـرى ولاهـو بالاثمـان
الحب نعمـه مـن وجدهـا سعيـدي

الحـب بالمعنـى تجسّـد بالانـسـان
والكـره نـارٍ فـي فــؤاد البعـيـدي

دنياي تظلم يـوم اشاهـدك زعـلان
والنار تشعـل فـي حشايـا وقيـدي

لانّك علـى كـل المخاليـق سلطـان
زينـك علـى كـل الصبايـا يزيـدي

من مات من حبه وبالحب ماخـان
يصـيـر مـوتـه بالمحـبـه شهـيـدي