-*™£ منتدى آل شراحيل بفيفاء£™*- - عرض مشاركة واحدة

01-01-2013, 09:39 PM

ماكنّي أعرفه ولا كنّي أبغيه
............ وأنا عليه من أمّه أحّب وأجرى
يا كثرها تسلمية(ن) يوم ألاقيه
..........لي عين تكتب له وله عين تقرى
وان حل طاريه تجاهلت طاريه
......... ماكنّي أدري عنه وأنا به أدرى
بسكات يغليني وأنا حيل مغليه
.......... لا تيلفون ولا مواعيد غدرى
يصون ودّي عن عذوله وأحاميه
.......... وأنا عليه أحجا من القلب وأذرى
حب(ن) عفيف(ن) والصراحة سواقيه
........... في وقتنا مــا ظنتي زاد يطرى
لا اسولف بحبه ولاني بكانيه
.......... وغيري لو انه يوالفه كان هذرى
احشم قريبه حشمة(ن) له وأداريه
......... واخشى يجي في خاطره شي وأدرى
لا يحسب اني يوم قفيت ناسيه
............ لعيونه اني ما تحـالـيت عذرى
ليت الزمن يرجع وأنا أعلمه ليه
............ ولا الحظوظ من المقابيل تشرى
كل العذارى في الوفا ماتساويه
.......... كنه يمين وباقي الغيــد .. يسرى
قولوا له اني ما ارتضي بالبدل فيه
......... لا مال قارون(ن) ولا عرش كسرى
يرتاح ماغيره ملا عين هاويــه
............غلاه نـهـــــــر النيل والقلب مجرى
وأكبر دليل اني الى غاب .. أحاتيه
........كم ليلة(ن) ماتت على كف مسرى
وان قالوا انه شرق وازريت لا اجيه
........... وجهت وجهي كل ما نمت حدرى
وسلامتكم
من جديد محمد بن فطيس
راقت لي ..
يارب ترتقي لذوائقكم
مع كل ـآلودوـآلورد لقلوبكم
عابرسبيل