لعذر ياتوأم الأعماق
مابقى من شاعرك باقي .
. ليل همه يشرب الترياق
وليل غمه مالقى راقي .
. والصدر به حزن ماينطاق
والمواجع تنحر اشواقي .
. ليت ماكان الفراق فراق
يوم ضاق الكون بأحداقي .
. وليت شعري يطبق الطرباق
ولااستباحت نوده اوراقي .
. يامدى ... لاتعانق الآفاق
والدروب ان خاصمت ساقي .
. طال ليلي مالمحت اشراق
لايغرك لمع براقي .
. ليلة البارح هنا ياعراق
كم حديت لطيب اعراقي .
. وقبل ماتشربني الابواق
اخذلتني هقوة الهاقي .
. كيف لو نالت من الدراق
او تمادت تطلب ارزاقي .
. ماوأدت الصوت من املاق
الحناجر ترفض اعتاقي .
. والمداين نصفها انفاق
مادرت عن شعبها الراقي .
. السواحل موجها صفاق
والقواحل تبري نياقي .
. والكلام الشاعري مافاق
ينتظر صحوي من اخفاقي .
. والسنين تجر بالاعناق
والحنين يحن لاغراقي .
. فالعذر ياتوأم الأعماق
مابقى من صاحبك باقي .

محلك قلب لو تعرف محلك
يسامرك الغلا وبيض النوايا .
. ومن حلاّك في رحلك وحلّك
سحابة شوق سوت بي سوايا .
. افكر فيك مدري كيف اصل لك
بغيت اهديك من قلبي هدايا .
. واعبر لك عن احساسي وادلّك
مدى انفاسي وطبعي والسجايا .
. هناك احلام-والله- ماتملّك
وآمال(ن) تقود لك السرايا .
. تغلا صاحبي واغليك كلّك
ولو كلي فقد بعض المزايا .
. بحور الشعر كله رهن ظلك
دخيلك خل لأنفاسي بقايا .
. واذا حسيت بي في يوم خلك
تعال احكي لك اسرار وخفايا .
. وعطر ليلي بنشوان فلّك
وفتش عنك مابين الحنايا .
. بتلقى انك هنا ساكن محلك
يسامرك الغلا وبيض النوايا .

يبين الصبح عن حالك ظلام بغطرسة نوره
وأحس بحرقة اجفاني مابين الشبح والتغميض .
. على ذكرى زمانٍ راح .. مسدوله ومزروره
وفكرٍ ثار عاصوفه مثار الشعر والتقريض .
. ولو شحّت مواريده وبيده غاب من طوره
بيبقى للوهم سيرة وللثورة علم تحريض .
. ويبقى اللوم في دار العتب متعلق بسوره
على واهج نبا غض الصبا في حجرة التمريض .
. تناثر لولوه في نون عيني وانبرت صوره
تهادت بين حجّانٍ- لها الله- بالشعور تفيض .
. وانا من شبح عيني للسما والنفس مكسوره
اداوي ماذوى منها ولافي الفايته تعويض .
. واسجّ بشارد اللحظة واخيل القاع مشبوره
أروّض زيف خطواتي كما يستوجب الترويض .
. (قفا نبكي).. وهل نبكي على تغريدة طيوره
قفا نضحك.. وهل نضحك عيون تشكي التبعيض .
. قفا نبكي على ضحكة غدت بأوقات محظوره
قفا نضحك على دمعة نوت بالخبث والتنقيض .
. دخيل الله يابعض الشقا اللي حنّت صدوره
حنين صدور مضنيها النوى والاّ كواها الغيض .
. لو ان الصبح مابان وكشف للبارحة عوره
ندبت الشعر يكتب لي على جلبابها تفويض