يا معذب الاحباب يا غايب متـى وقـت الوصـول
انا على نار انتظـر رجعتـك لـو طـال الغيـاب

يا همي اللي لو يـزول العمـر كلـه مـا يـزول
يقرب من اللي في يدي وابعد علي مـن السحـاب

يا صيف عمري يا ربيع العمر يا اغلـى الفصـول
يا فرحتي يا سلـوت الايـام يـا انـواع العـذاب

يا بحر جده يا شفا الطايف يا حايـل وش اقـول
يا تراث مكه يا حضارة نجد يـا ابهـا والضبـاب

يا نغمة الاوتار يـا عـزف المسيقـى والطبـول
يا ضحكة الاحبـاب مـا بيـن التغلـي والعتـاب

يا عنفوان الخيـل يـا وقفـات ماضيـن الفعـول
يا نشوة الكسبان يـا عـزت عزيزيـن الجنـاب

يا ضحكة الاطفال يا النظـرات فالطـرف الخجـول
يا هيبت السلطان يا قـدر اللحـاء حـق الرقـاب

يا حكمة العاقل يا عطف الام يـا معنـى القبـول
يا لذة الماء في ضمى الضميان يا عذب الشـراب

يا معجم الاخـلاق يـا فهـرس تعاليـم الاصـول
يـا روعـة الابـداع يـا بنـك المبـادي والآداب

فديت عمرك يا بعد عمري جعـل عمـرك يطـول
احسب حساب اللي حسب لحساب حسبتنا حسـاب

بجاه رب ام القـرى والقـدس وبجـاه الرسـول
انا مصـاب واجبـك يلزمـك باسعـاف المصـاب

صبرت حول وحال حول الحول واستقبلـت حـول
وانا انتظرك تذوب فـي قلبـي وقلبـي فيـك ذاب

وجيتك وانا كلي غـلا جيـت وانـا كلـي ميـول
النفس لرضاك حضرت والقلب لرضـاك استجـاب

وعجزت يا اصعب طلوع اسالك يا اصعـب نـزول
تصمت ولا احكي لك سؤال اصمت ولا تحكي جواب

عزلتني عن عالم مـا كنـت انـا عنـه معـزول
اطرد وراك العمر كله كانـي اطـرد لـي سـراب

سمعت قولي وانت قلـي ودي اسمـع وش تقـول
انـا طرحـت السـؤال ومنتـظـر رد الـجـواب