-*™£ منتدى آل شراحيل بفيفاء£™*- - عرض مشاركة واحدة

02-06-2013, 03:47 PM

لا يجي في بالك اني في رحيلك لا ازال
والله اني زلت يوم اني اشوف تلمحين

مدري هي رحلة بعودة ولا شديت الرحال
ولا ادري بأي من الكلام اجاوبك يوم تحكين

ثم توهقت وأطالع في عيونك بـ نذهال
ثم لحضه ابتسم والمقصد انك تضحكين

بس رغم الي عملته ما اشوف الأنفعال
ولا اشوف ألا عيونك يوم كنتي تذرفين

وقتها بس اتمنى أن عمري بس ليال
وكم تمنيت أني أعمى يوم شفتك ترحلين

يعني راحت كل قصه في سبيل الأنتقال
وكيف هانت عشرتي وشلون ودك تصمدين

وكيف ببدأ من جديد وأنتي مبدأ هالمجال
وكيف بفرح وأتبسم وأنتي للفرحة عوين

وش هو عذري للمنام أن كان ما منك وصال
لا لفاني حلمك الي ممتلي شوق وحنين

كيف اعزي هالمشاعر في دروب الأحتمال
يعني لو هذا قرارك لا ولا يمكن تزين

والله اضلوعي بعدها صارت أشبه للهلال
هو أساها مال فيها ولا مالت من أنين

دايم احكي بس عندك انسى معنى الأرتجال
وليلة الفرقى لساني ما يركب كلمتين

والله اني ما عشقتك غير بالعشق الحلال
وكنت افكر في برأه تحتويك وتحتوين

مير ما لله قد كتبلي يوم صار الأنفصال
بس قمة أمنياتي في حياتك تعتنين

أجهل اني لا لمحتك كيف اوقف بـ عتدال
ولا أحس أن فيه حواء تملك الي تملكين

من بعدها قد عرفته ويش معنى الأتصال
هو تواصل لا قطعته تنتهي معنى السنين

كل هذا واكتفيتي في دموع وكحل سال
يمكن اني بعد ما ارحل مدة وثم تفرحين

لني ممكن في كلامي بالغاً حد الهبال
ويمكن اني بس بكشف كيف شعري بالحنين

ولا تحسبي من صفاتي أن أُبالي بالجمال
وتبطي مثلك في خفوقي ياحياتي تلعبين

توي اعرف عندي ميزه في صياغة ما يقال
يعني انتي راس مالك كلها في كذبتين

كل من هو مثلك انتي لا بغيته احتلال
صار أسمي مثل هتلر كان هتلر تعرفين

م/ن
عابرسبيل