عسى غر المزون اللي تضاحك فالسما تنساق

مـع أول طلعـة الوسمـي علـى تثليـث وجبـالـه

شـهــر وألا ثــلاثــه يالله الـمـعـبـود يــــارزاق

وماطرهـا مـن المنشـى يسوقـه بـارق اخيـالـه

مداهـيـل النـيـاق الـلـي جذبـهـا فالـدجـا بــراق

مرابعـهـا المريـبـخ طـيـب(ن) نبـتـه ومنـزالـه

عطايا الله مجاهيم(ن)عليها من الحسن مالاق

تسر عيـون شيـخ(ن) فـي طرفهـا ركّـب دلالـه

عليها وسم أهلها اللي تلوت به على الاعنـاق

رجال(ن) تنذكر وان جاء نهار الهـوش خيالـه

يجازيـك الولـي يامعذب(ن)قلبـي وانـا مشتـاق

رحلـت وصاحبـك يشكـي مـن الغربـال عـزالـه

ثمان اسنين راحت مـن حياتـي كلبوهـا افـراق

لـك الله لـو يطـول البـعـد مثـلـي مـاهـو بـدالـه

ليا من جيت ابدله قمت أخيلك من ورى لعماق

أثـرك اللـي تربـع فـي خفوق(ن)حالـتـه حـالـه