تعال وعطّر أنفاس الحنين اللي عليك أرزم
يبي ريحة عطر جيدك يشمه شم بأنفاسه


حبيبي وأنت له طب الجروح الماكنه واقسم
بربي ما بعد غيرك تمنى يمسك أخماسه

نذر عمره فدا خرس العيون وجمرة المبسم
وخد يغار منه الورد عطاه الصبح نسناسه


كساه الله سبحانه حرير ٍ طاوله معتم
إلى منه بغى يجمع ثليله هز به رأسه

سواد الليل بعيونه خذا من طرفها معلم
حور طرفه خلقه الله ظلام الليل وغلاسه


أشوف الطهر في وجهه ملامح زاهد ٍ مسلم
تباشير الرضا بانت عليه وغاب خناسه

هماليل الغلا تمطر بصدري نوها المردم
سقاها وارتوت منه رياض الجوف وغراسه


أحبه حب يا عالم وربي شاهد ويعلم
بأن الشوق في قلبي ينوح الورق من باسه

سهر جفن العنا يكتب هموم العاشق المغرم
على واقع معاناته يترجم صادق إحساسه


يمر الوقت من شانه وصار العمر بي يقدم
يلوح الشيب في راسي ويومي قلت اوناسه

لك الله يا زمن راجع حسابات الوله وارحم
عيوني من شقى حظٍ جفاها النوم ونعاسه


دخليك عطر أنفاس الحنين اللي صبر يحلم
يبي ريحة عطر جيده يشمه شم بنفاسه

راق لي
عابرسبيل