مســـاء الجرح ياأجمل جروحي وينها دنياكـ
بكى وجه المكـــان اللي تعود طلت جبينكـ

زوايا غرفــتي عطرك وقـلب يرتجـي يلـقاكـ
ودفتر يحتضن احلى الاماني واجمل سنينكـ

تغــيب ومــا تغـيب بداخـلي حبـك ولاذكراكـ
ويكسر هيبتي نفس السؤال واحتضر وينكـ!

اسافر عنك واتغرب اعـــان ِ حبك وانساكـ
وتاخذني الدروب بغربتي لأقــرب عناوينكـ

وانام من الالم وأصحى على صوتك ولاالقاكـ
والاقي هالزمآن اللي وقف مابيني وبينكـ

وأظل بحيرتي تايه هنا نصفي ونصفي هناكـ
واكبر ذنب سويته زرعت الروح في طينكـ

شريتـك يوم هالعالم رخصــك وللألم خــلاكـ
رضيت العيش في صحراءلجل أروي بساتينكـ

حبيبي كان هو قصدك تحطم عاشق يهواكـ
وتـزرع في ضـلوع اللي يحـبك نـصـل سكينكـ

وهبتك روحي ياعمــري وأكيد ان الجسد يفداكـ
وحاسب قبل لا تطعن !! اخاف تجرح يدينكـ

حلاة الـموت ياحبـي اذا يـوصـل علـى يمنـاكـ
تـرى اجـمل شرف انـي اموت بطعنة يمينكـ

ولوطــــال العمر بكتب أحبك في سمـا دنياكـ"
ويبقى هالسؤال اللي كسرني للاسف "وينكـ"!!