النوم بعيوني طفل .!
من شدة غيابك : يصيح ..!
والقلب نبضه أختلف
والحآل / ياقف ثم يطيح ..!

أدورك / والقى أنا ..!
وأنا من الدنيآ جريح ..!
وينك : ترى وقتي انعدم
ما قمت أحس ..!

حتى كلامي ما قوى ..{. يهمس : همس
أتخيلك بيني وبيني
وأخذك أنا / لأبعد بعيد
وأكتب لك حروف القصيد

وأكتب على شفاهك حكي
أغازلك .. !
أسامرك ...!
أتعللك...!

أتخيلك....!
وأعيش بك / لين الوريد ..!
تعالي / خلي هـ العنا ..!
أبسئلك : منهو أنا !

والطُهر في روحك سما ..!
تدرين / ذابحني الظمأ ..!
وحالي ترى بعدك : عما ..!

وأنتي ..؟
غيابك / ما جرح..!
أنتي غيابك / أنجرح ..!
لانك معي ..{.. وأنا معك ..!
شوفي غيابك أنفضح ..!

في غيبتك : مالي وطن
كل شي لأحساسك يحن
صوتي : يدورني عليـك
يسئل متى هو يسمعك ..!

لكن ترى : أدري أنا أني معك
وكل شي فيني يتبعك ..!
أدري أنا : أنك جنون
تموت من دونك ظنون
وأعيش بك ..!
ياللي لها كل الغلا ..!

واللي بها قلب ٍ حنون ..!
تدرين : ما باقي جنون
لأنك فقط :
في داخلي ..!
نقط .. نقط .. نقط ..!

أخاف اوصف وأختلف
مابين روحي والقلم ..!
وأخاف قلبي يعترف
وأشوف خلاني وهـم

لانك ترى في دنتي أنتي / الأهم
!!
وأنتي : مثل ذاك الطفل ..!
أحساسك الليله جريح ..!

وأنا ترى في داخلك طفل ٍ يصيح !
عيت عيونه لاتنـآم ..!

مع أنه بـ فراشه طريح .!