-*™£ منتدى آل شراحيل بفيفاء£™*- - عرض مشاركة واحدة

05-07-2013, 09:21 AM

ياجوفنا جوف المراجل والأبطال
يالديره اللي نفتخر في غلاها

بين المناطق كنها عقد سلسال
سبحان من هو خصها عن سواها

بعيوننا تسوى ملايين الأموال
وتسوى دياراً زاهيه في حلاها

الله محلى جوها بكل الأحوال
في عجها في صيفها في شتاها

ونسمة هواها لاغشى الجو همّال
تشفي عنا روحاً تزايد عناها

هي دارنا والطيب فيها ولا زال
مثل الثريا لامعاً في سماها

من طيب أهلها فيهم الغير يختال
ناساً يهوّل طيبها من عطاها

وموّرثين الطيب لأحفاد وأجيال
أصغارهم يذهلك شدة سخاها

عزالله أنا نحبها حب قتّال
وحنا لها في ضيقها وبرخاها

يا الله تسقيها مع الوسم ب زلال
ترسل سحايب رحمتك ويغشاها

سيله يسيل ويضرب يمين وأشمال
خيره شمل كل الفياض وسقاها