مساء الورد للورد
كيف حالكم ؟!
اليوم دخلت المطبخ وسويت طبخه
لي مده وأنا مشتهيتهإ وتم بحمد الله
اليوم العمل عليها -
فكرت بما أني انسانه عطالي بطالي
أدخل في قروب الطبخ عشان أضرب عصفورين بـ حجر ض1
منها أوسع صدر أمي طال عمرها وأطبخ لها
ومنها أنمي مهاراتي بالطبخ وأذهلكم بطبخاتي
اليوم طبخه بسيطة تتوسط لي عشان أدخل القروب
بسم الله نبدأ

قبل كل شي نشغل الفرن من فوق وتحت

المقادير



1 خليط بيتي كروكر شوكولاته
بيضتين
2 فنجال زيت
2 فنجال كريمة الخفق
1 فنجال ماء
جالكسي سادة للحشو
وأنا أضفت زيادة شوكولاتة بيتي كروكر
وقوالب السوفليه مثل ما عندكم بالصور
تهاوشت أنا وأبوي عند ابو ريالين عشان اشتريها
يقول وش بتحطين فيها قلت شغلات حريم رجاء ياابوي
المهم نجي لـ :

الطريقة



نخلط المقادير كلها بـ زبدية
ونخلطا حتى تتجانس
* خليط بيتي كروكر مو تروحون تسوونه وتخلطونه مع هذي الأشياء
لا البودره نفسها تكبونها مع المقادير

-

نحط من الخليط شوي بالصحن
وبعدين قطعه جالكسي بعدين نغطيه بالخليط مره ثانية
بعدين نسكر الفرن من فوق ونخلي اللي تحت شغال
وندخلها 10 دقايق بسس



-

وبس نجملهإ بأي شي بس أنا لآني مستعجله ولأنها
أول مره آسويها ماقعدت أتفنن عليهم
سحبت نعناع من الثلاجة وحطيته
-


وصحة وعافية عليكم

-