حبيبتي مرت على بآلي اليوم
ووقفت تقدير لها يوم مرت..



جابت لي الفرحه وأنا كنت مهموم
الظآهر أنها عن علومي تحرت..



وفراقها كوَّن في خافقي غيوم
أمطارها على الفيافي لامرت..



تنبت من الازهار ماكان معدوم
وتسر نفس من زمن ما استسرت..



في حبها حسادي تكثر اللوم
وهي ورا عوج الضلوع استقرت..



احلم بها واطيح في النوم واقوم
فرحـان لكن فرحتي مااستمرت..



الى صحيت أعاتب الحظ وألوم
الأيـــام والأيام منها تبرت..



الهجر طعنه خاين بسيف مسموم
نفسه على فعل الخيانه تضرت..



و من يحرم من العشق يعيش محروم
كم روح من قآل الوصال استضرت..



لاجيت أنـــام النفس ماتعشق النوم
حاولت أقنعها لكنها أصرت..



تبغي حبيبه قلبي الغاليه دوم
تمر في بالي و أوقف لامرت..