غابت لها فتره وماجات للحين
والمساله ماتحتمل قول خيره
غابت وخابت في عيوني التلاوين
وين الوفا وين العهود الدثيره
قد قلتها يابنت تكفين تكفين
لاتجرحي قلبٍ يشوفك مصيره
يكفيه منك الطيب والحب واللين
واللي بظهر الغيب ربك يجيره
لاتبعدي يابنت عن نظرة العين
خليك حولي ياجناب الاميره
محدٍ كفو يبعدك عني وتدرين
روحي فدا روح الشيوخ الكبيره
ردك خسف قولي بزود التحاسين
قلتي احبك والمحبه اسيره
واعاهد باللي كتب فرضنا دين
ما اتركك لو هي نهاية مسيره
وين العهد يابنت وين العناوين
غبتي وانا في داخلي الف حيره
عهدي بقا وان مات عهد المحبين
مالي مع باقي العلاقات سيره
بحفظك جوفي عدة ايام وسنين
يانبض قلبي ياهواه وعبيره
مجنون طبع وخاض درب المجانين
ماله سوا الاحلام موطن وديره
وان قالها الله بتبع الشين بالزين
واتبع سرابك وسط شبه الجزيره
لاشك بتعب والتعب مركبة دين
بتعبك بعتاب الجروح الكثيره
وشلون ماقلتي وداعك على وين
ووشلون هان الحب وانتي المديره
والاساله ياكثرها زود الالفين
مير الدموع اللي بعيني غزيره
وشلون بكتب والنظر مدمعه بين
اشهد برب البيت حاله حقيره
دمع والم وهموم واتعاب مسكين
شاء القدر يفرح بفرحه فقيره