الحلقة 12
وقلت في نفسي معقووووله يا راكان تفكر انك تدخل او لا .. معقوووووله هذا التفكير
خلك رجّال وواجه المشكلة بنفسك .. لابد انك تواجه المشكلة وتنهيها
طرقت الباب .. فتحت الخادمة .. وسمعت صوت الشيخ / فهد يرحب
-مرحبا فيك يا عم
-تفضل يا وليدى .. انت الحين راعي بيت
-الله يرفع قدرك
دخلنا للمجلس .. كانت لدي إمكانياتي الخاصة بإظهار ما لا أبطن .. بمعنى اني كنت قادر على التماسك والظهور بالثقة خارجيا ولكن داخليا علومي كلها صعبة وتفكيري مشوش ..
جلسنا انا والشيخ / فهد في أحاديث العمل .. وكنت أتمنى اني اقدر اقطع عليه الحديث وادخل بأفكاري .. ولكنه كان مسترسل
فجاة وبلا مقدمات
الهام تدخل علينا بكامل زينتها
من هول الصدمة
كنت بــ أقف .. ثم تداركت .. وجلست .. وكانت حركة لا إرادية وتدل على صدمة .. التفت على الشيخ / فهد لاحظت انه يبتسم من حركتي وقال :
-هذي يا راكان بنتي الوحيدة .. واغلى بنت في الكون
-الله يخليها لك ويخليك لها
الهام دخلت وهي تنظر اليّ وقالت :
-السلام عليكم
-عليكم السلام
-اهليييين راكان .. كيف حالك
-الحمد لله بخير ( كاد الحياء يكتم صوتي .. اشعر ان صوتي مبحوح وغير قادر على الكلام )
وجّهت كلامها الى ابوها وهي تبتسم وقالت :
-تصدق يا ابوي اني قلت له – يومه يوديني للجامعة – اني راح اقول لـ بوي انه يخليك سواقي الخاص
-اذا كتب الله وانا أبوك راح يكون زوجك الخاص ( قالها وهي يبتسم )
ابتسمت الهام بخجل ..
بعد فترة من الحديث استأذن الشيخ / فهد وخرج .. بقيت انا والهام لوحدنا .. انا في هذه اللحظة في قمة الإحراج .. الهام بطريقتها وأسلوبها البسيط الغير متكلف استطاعة تخفيف التوتر .. وحولت الجلسة الى جلسة مريحه .. وكانت بين فترة وفترة ترمي نكته وتضحك على النكته .. والحقيقة اني رحت فيها .. لم استطع مقاومة الجمال والروح المرحه .. نسيت كل الاتفاقيات الخاصة التي كانت بيني وبين نفسي وشعرت انني محظوظ جدا في الوصول الى قلب هذه الانسانه الرااااائعة .. والحقيقة ان العاطفة الآن هي من تتحكم بي وليس العقل .. بعد ما فكيت حبتين وصرت استطيع الحديث معها بأريحية قلت :
-لو معي أدواتي الخاصة بالرسم .. كان رسمتك
-كيييف ؟! انت رسام
-لا .. لا .. مو رسام .. رسام .. يعني اعبث وأحب الرسم .. والموضوع هوايه
-طيب اروح اجيب لك قلم وورقه ..
-لا .. خليها وقت ثاني
-تكفى راااكان ارسمني
( أسلوبها .. وكلمة تكفى .. قسم بالله رحت فيها )
-الهام قلبي .. خليها وقت ثاني
-طيب .. طيب .. بس وعد انك ترسمني حتى لو ما تزوجنا ..!!
( صدمت من عبارة حتى لو ما تزوجنا ) كنت أتمنى اني ما سمعتها بأسلوبها العفوي .. وكأن الأمر لديها سيان تزوجنا ام لم نتزوج