ليت ( السفـر ) بين المحبين ممنوع
تحجز( جوازت ) المحبين بالـذات..! !

ياليت لوأن ( السفر ) حـق مشروع
المشكلة .. لأهل الهوى حزن وآهات

الخط مغلق ... كنّه ( الكرت ) منزوع
مـــن ضيقتك تلعـن جميع أشتراكات

تضرب على الكفّين والقلب مفجوع
تضيق بك عقبـة جميع المساحات

في ليل دامس ضايعٍ مابـــه شموع
( الفكر ) تايـة في دروب المتاهات

( العين ) تذرف بالدقايق لــــه دموع
و( القلب ) عايش بين حسره وونات

لوّك تجر الصوت ماهوب مسموع
يـــاطول ما بينك وبينه مسافات

يمكن ظروفـة مامشت له على طوع
ويمكن سلا فكره بروحــــة وجيّات

سايح بدار( الغرب ) والأجر مدفوع
يسرح ويمرح بين سجّــــــة ولـــذات

الجـــــو صافي بين خضرة وينبـوع
وأنت بسموم( القيض ) مابه إجازات

الهم مدهالك مـــــن أسبوع لسبوع
لاحل ذكرى ( الترف ) هلّيت عبرات

صار( السفر ) كنّه مثل حبّة الكوع .. !!
جمع الحبايب سابــــــع المستحيلات

بس الأكيد أن ( الغلا ) فيك مزروع
( الحــــب ) يبقى بالضماير ولا مات

الصدق قلته والزعـــل دوم مرفوع
وقت( السفر ) تبدي كثير المعانات
م/ن
عابرسبيل