.. صرت اتبعك ..
حتى الطريق يودّعك
لأنفاس تتبعثر دخون
والقلب يحتاج لحنين ويتركك
ومايتركك الا على ذاك الطريق اللي معك
وانتي معه
يامبسمة لإنك حنين الملهمة
.. صرت اتبعك ..
ومازالت اشيائي معاي وتتبعك .
ياللحظة اللي من خذيتي كامل سنيني
انا ارجووك ملتني إيديني
ومازلت اردد : بسمتك ، فيها الفصول الأربعة
ومن الوجود اشتاق لإحساس الوجود بشوفتك
..صرت اتبعك ..
وحتى السما تمطر حنين برجعتك
والأرض تزهر والفرح يزداد للفرحه معك
وانا هنا كل الوجود وأحتويك وأسمعك
وانتي الملاذ اللي رسمتيني حدود
وانتي الكيان اللي عطيتي وجود بصحبتك
.. صرت اتبعك ..
ياكامل اطرافي معاي .. ولاتشوف احدٍ سواي
ماغير انا وانتي ولهفة شوق تتمادى تنادي أذرعك
وياويل قلبي من الحنين .. اللي ينادي هالسنين ..
وياكثرها عيون الليالي لاإنتهت ماشافتك
وتتعبني عيون النهار .. والإنتظار اللي ملى الشباك في مده يدك
.. صرت اتبعك ..
وانتي الحنين اللي دعى العشاق في ليلة سهر
وانتي جنوني ياقمر تشرين في وسط الشهر
والعام يبدا في سطر .. والناس تتمنى سكون الليل واللحظة تمر
وانتي وانا وكل الحنين برجعتك
نشتاق
والدعوى بها عشاق
تتمنى مشاهد بسمتك
وانتي الصور وانتي الحكاية والدفاتر
وانتي بداية فصل تأثير المخاطر
والسما والطير طاير والهوى والكل حاير
والجنون اللي خذاني منك والقاني معك
.. صرت اتبعك ..
ومايردع الطير الهوى
كود الحنين اللي خذاه يرجعّه
~ زفير انفاس ~
واجييلك شوق وأتمكن من إحساسك
واضمّك حيل وظنوني هي ظنوني