العيد يا الشعار شفنا مواريه ===== لبس الجديد ونقشة الكف بخضاب
ومعايد الاحباب وش عندكم فيه ===== خصٍ ليا طال المدى بين الاحباب
ثم اجتمع شمل المولع وغاليه ===== وعجز اللسان وغرق الدمع الاهداب
في ماقفٍ يصعب على من وقف فيه ===== اما وفاء ولا تعرض للنشاب
علمي بهم بالصيف باخرلياليه ===== يوم ان داعينا دعا لم غصاب
عمره ثمان وخمس بالحروه اعطيه ===== توه صغيرٍماغطى الوجه بنقاب
ابو جديلٍ فوق الامتان كاسيه ===== يشبه لشرطان الذهب فوق الاسلاب
واليوم جاني في يدينه يخطيه ===== ورعٍ صغيرٍ مابعد شق له ناب
ودنق على ورعه وضمه بياديه ===== وتخالقن اخطاي والدمع صباب
تلوعني دنياي لوع المسافيه ===== ومن كثرصكات الزمن عارضي شاب
ليا جا الضحى دورة ضلعٍ واعديه ===== وقمت اتلوى في حجا الضلع منصاب
صواب من ضاعت بصاير امداويه ===== بين الرجاء والياس ضاعن الاطباب
اهرف كما ذيبٍ حدنه ضواريه ===== خمسة عشر ليله ولا علق الناب
مع درب حوالٍ اعزومه اتوديه ===== والحيل باد وعود الذيب ماثاب
ياكود عبرودٍ تمثنى محانيه ===== واصبح يقص الذيب عشرين طلاب
حسبي على وقتٍ بلتني بلاويه ===== وانا مجنب عن هواء كل جــــــــــــــــــــــــــــــــــذاب
عسى ان تنال اعجابكم