تذكرتك وقلبي مسرف الخطوة يبي فرقاك
وفي نفسي بقايا من جروح العام مدفونه


تذكرتك وفي عيني مواري حزن من ذكراك
تلفت الخافق يمك و جاك خطاه مجنونه


وجيتك ثاير العبره أحبك من يقول أنساك
غيابك نار من يقوى يشيل النار بعيونه


هلا بأيامك السوداء هلا بالحزن في دنياك
رضى قلبي بتعذيبك أبد مايطلب العونه


متى تفرح بك أيامي متى وشلون كيف القاك
متى هالليل في شمسك يذوب ويختلف لونه


تعبت من التعب وينك تعال ومد لي يمناك
حياتي لاخلت من شوفتك ماهيب مضمونه