يا حبيبي لا تِفَكِّر يُومْ .. عَنْ عِينـي تـروح

دامْ طعناتِكْ تِجيني ,, ومِنْ غـلاكْ .. ألِمَّهَـا


إيه طيِّبْ .. إيه أحبكْ .. والغلا فِيني سمـوح

وإنتْ خالْ: الهَمْ فِيني .. والمَشَاكِـلْ عَمَّهـا]

ما يِهِمْهَا شَيْ عِيني غِيرْ شُوفِكْ في وُضـوح

وإنتْ عِينِكْ غِير جَرحِي يا ترى وشْ هَمَّهَا..؟!


جِيتْ لِكْ حِلْمٍ تَعَدَّى فـي تِفاصِيلـه الطمـوح

وجيتِنِي جَارحْ حِلُومي لِيـنْ .. بيَّـنْ دَمَّهَـا


جِيتْ لِكْ عَاشِقْ مُتيَّمْ عِشْقَه لِكْ ماهُو مـزوح

وإنتْ ما بيَّنْ بعينِكْ صِرتْ عينـه تذمَّهـا ..



جَاي تِسْأل طَعْنِتِي مِنْ وينْ وما أقـدَرْ أبـوح

قلبك أخْبَرْ في جُروحي وضِيقْ عِيني وغَمَّهَـا


لا تِّبَرَى مِنْ طُعُونِكْ .. قبلْ لا عنِّـي تـروح

إنتْ أدْرَى في جُروحي اللِّـي كِنـتْ تِظمَّهاـ


مدري والله يا حبيبي وشْ أسَمِّـي هالجـروح

دامْ طعْناتي عِيالِـكْ ..إنـتْ أبُوهَـا وسَمَّهَـا