اللي يقول الحـب موجـود كـذاب
شغلات ممنوعه يسمونهـا حـب
واللي يقول اسهرني العشق نصاب
ويعرف نصّابه معلمتـه النصـب
لاشافت عيوني مواليـف واحبـاب
والعشـق ماخطّـا بقلبـي ولا دب
اكتب غزل كله على شان الأعجاب
ماهو على شان الهوا كل ماهـب
لاهب نسناس الهوا خاطـري ذاب
ولا كمّل النسناس وشلون بشتـب
اوهـام شعّـار وخرابيـط كتّـاب
والجيل ذا من يوم جا والهوا خرب
نهيت قلبي من طبوعـه ولا تـاب
قد قلت له خل الصراحه على جنب
لن الصراحه دايمن تفتـح ابـواب
صار الكلام الواقعي يشبه السـب
الي بيزعـل بيلقـا لـه اسبـاب
لو ان مالي ذنب بيحط لـي ذنـب
حنا بزمن فيه العلاقـات بحسـاب
للواضحـه ريبـه وللخافيـه رب
حب اوطنك حب اهلك حب الاصحاب
ذولا لا قلت تحبهـم فعلـن تحـب