نبدأ بسم الله

هذا شكل الثوب قبل

هنا جهزت البخاخ الي فيه موية وعطري المركز أو موية ولينور
أو ممكن مريتو وفي بعضهم يحطوا نشاء محلول في موية

تأكدي من حرارة المكوى حتى ما تحرق الثوب لكل نوع قماش درجة حرارة ....

والطاولة لبسيها قصدير يسهل عليك الكوي ...

نكوي الياقة
وتحت الياقة

نستخدم طرف الطاولة في كوي الكتف

نبدأ نكوي خلف الثوب من أسفل للأعلى
وتأكدي أن تكون خطوط الخياطة فوق بعض

ننزل شوية شوية ونكوي وما ننتقل لنقطة ثانية للكوي إلا بعد ما تتأكدي ان الي قبل انكوت زين ..

ناحية الابط

الكم اليمين واليسار بس صورت كم واحد

مكان الكبك من جوه

ركزي على الثنيات أو الكسرات

بعدها أقلبي الثوب وأبدأي من أسفل زي ما سوينا من الخلف إلين ما نوصل للأزارير
نكوي من الداخل زي ما موضح في الصورة ..

لأننا لما نكوي من وراء مانكوي على الازارير عشان ما يعلم شكلها ...

ما بين الازارير وبعدين نقفلها ونكوي ما بين العروات

بعد ما ننتهي بنلاقي أن أسفل الثوب تطعج عشان الطاولة قصيرة خلاص شيلي الثوب بيدك اليسار وامسكي الرقبة ومدديه بالطول بهذا الشكل عشان تكوي الذيل كخطوة أخيرة .....

وبعد ما نخلص نحط الثوب داخل كيس عشان نحفظه وهذا شكله

البنطلون

نجي للبنطلون يبغاله تركيز شوي في طريقة تطبيقه

أول شئ بعلمكم كيف تطبقوه بعدين الكوي ..((على فكرة ما اعرف اشرح )) استروا ماواجهتوا

*******************

هذا مثال
كذا شكل البنطلون وممكن نكوية بهذي الطريقة وهو مفرود وتركزي على الجيوب

*************************

لكن طريقتي في تطبيقه
من عند السحاب والازرار تطوي على جوه تقريبا 3 أصابع ومن ناحية الظهر ((العمود الفقري ))
تثني على جوه ويطلع شكله كذا من قريب

من بعيد

نكوي حزام البنطلون من الداخل

والجيوب

نطبق البنطلون زي ما وريتكم ونمدده على الطاولة ونكوي

الين ما نوصل للجيوب والكسرات ونكويها من فوق لتحت

بعد ما تكوي من فوق ارفعي الطبقة واكوي الطبقة الي تحت

بعد ما تخلصي أقلبيه من الناحية الثانية وكرري نفس السابق شرحه

وهذا الشكل النهائي للبنطلون

أسهل ما يكون بخي الشماغ مريتو
وطبعا تكويه وهو مفتوح كامل وشكله مربع ...((معليش ما صورت هذي الخطوة بس ان شاء الله مفهومة ))

بعدين أطويه على شكل مثلث وأكويه

وبعدين على شكل مثلث وأكويه

وهنا ركزي على المرزاب

************************

ملاحظات :

1* حاولي دائما تبخي القطعة قبل الكوي عشان تسهل معاك كويها ..

2* جربت اللينور مع الموية يعطي ريحة حلوة بس لما يخرجوا الشارع وتضربهم الشمس ويرجعوا تكون الريحة خايسة
عشان كذا أستخدم عطر مركز أحط نقطة وحدة في البخاخ وأعبيه موية وأرجه قبل الاستخدام ...
وممكن تحطي موية بس ...

3* لما تحطي القطعة قبل الكوي افرديها بيدك لما تتساوى واكوي واذا في جيوب دخلي الجيوب بيدك وساويها ...

4* تأكدي من حرارة المكوى عشان ما تحرق الملابس ...

5* لما تكوي حاولي تكرري الكوي على المكان الين ما تلاحظي انه انكوى وبعدين انتقلي لمكان ثاني ...

6* بعد ما تخلصي كوي وتدخلي الملابس في الدولاب بخريها داخل الدولاب بس تأكدي أن الملابس بعيدة عن النار

منقوووووول للفائده