يازين مشى العصر والارض غدران = وشوف الدبش ووسوم كل القبايل

الارض خضراء المقاهير حيران = والزمل يشبع و الخزامى تمايل

نمشي مع الريضان ونشوف بدوان = وندله الخاطر بزين المقايل

يا زين ها السجات مع شبة النار = على طرف وادي من السيل سايل

احمد يا خوك اليوم انا صرت حيران = من ضيقة بالصدر تاتي قوايل

وادي اسج الرجل يا طير حوران = وترك انا جبره وضلع الهوايل

بالمدرسة دايم معصب و زعلان = ولا الجزاء لو طال تراه زايل

الميز ما طبه ولو كنت جوعان = كره من الخلاق منشي المخايل

نصبر على التدريب ونصير شجعان = ونحمي وطنا من خبيث الفعايل
__________________

الشاعر /صالح القسومي