لا يا زمن شفت العجب والعجايب
مل الصبر مني وانا منه مليت
شفت القهر وحسيت انا بالمصايب
وصارت حياتي كلها بس تناهيت
ياخوي يا مشكاي حط النصايب
واكتب على قبري من الشعر لي بيت
اني تعيسٍ ذقت سم العقارب
ومات الوفى بالناس وماعاد له صيت
جرحي يزود وزاد فيني لهايب
يا ليتني في دنيتي مابعد جيت
اوصيك بأمي لا تزيد النحايب
لا تذرف الدمعات ماعاد بها ليت
اوصيك تدعي لي وتطلب طلايب
اذا سجدت بركعتين وصليت
برحمة ولي العرش منشي السحايب
كانك مع الايام لا ماتناسيت
مابيك تنساني ولو صرت شايب
وتزور قبري لحظة كان حنيت
وان جاك يسأل من مسافر وغايب
قله تراه اليوم يا صاحبه ميت
منقوله