شوي شوي يادنـــــيا على قلبي وعلى شعوره

شوي أرجووك يادنيا تراني جد تعبـــــان
.....

ذبـــــحني الهم والفرقا وحزنـ(ن) طــالت دهوره

و ذبحني جرح ساكني بسبة ناس خـــــوانه
.....

تعـــــبت اعانق أحلامي وأبروزها كما الصوره

تعبت أفكر أخطط وأنا أدري بأني خســـــران
.....

خـــــذلني وقتي القاسي
ذبح أحلامي بغروره

و خذلني قلبي الوافي
جرحني بزود إحســـــانه
.....

أبعرف ليـــــش من يهوى
ويعطي قلبه و زهوره

أبعرف بس ليه الناس
ترد زهوره عطـــــشانه
.....

غريـــــبه والله هالدنيا
عجيبه كنها كوره

تدحرجني تحركني.. يمين يسار.. طربـــــانه
.....

أبي أنـــــام مرتاحه وأبي أقوم مسرور

أبي أنام لكني فزعت وصحت حلمـــــان
.....

لقيـــــت الهم غطاني وحولي أحزان منثوره

ولقيت وسادتي دمعي وأنا بالنص غرقـــــان
.....

بكـــــيت بصمت لكني رجعت أنام مجبور

لجل مايحس بي حزني ويبدا يفتح أعيـــــانه
.....

وقعدت الصبـــــح وإحساسي تلاشت ثورة بحوره

هدوء الصبح أعطاني تفاؤل ماتت أزمـــــانه
.....

زوايـــــا غرفتي.. وردي.. سريري.. نور الابجوره

سواد الليل أذكرهم.. وتوي شفت ألـــــوانه
.....

وحتى لوحة فنــوني.. فراشي الرسم.. و حبوره

نسيت وجودها يمي مع اني كنت فنـــــان
.....

حيـــــاة اليأس غطتني بغيمة حزن ممطوره

وهمي كان (عاشقني) وروحي دوم حزنـــــانه
.....

ولكن لحظـــــتي هذي أببدا منها منصور

وأبنسى حزني الدامي وأعيش العمر فرحـــــان
.....

دعيـــــت الله ينصرني و نصري فاحت بخوره

عطور الفرح زارتني بفضل الله سبحـــــانه
.....

يآ ربـــــي تكتب لعمري سعاده بأول سطوره

وتجعل دنيتي جنه وأعيش الفرح وإدمـــــانه