ابا أخذ أسمك وأنحته في قصيده
واطرزه في دم من قلب مغليك
أشق لك جوفي وناخذ وريده
حتى لو اني مت فدوة معاليك
مادمت مالك نبض قلبي ياسيده
ماعندك الا ارخص حلالك باياديك
لاتستحي آمر على اي شي تريده
شايفك انا مشغول من هم ياتيك
أن كنت تسأل فالجواب أباجيده
وش يعني اسمك في حياتي انا اعطيك
كل الذي تبغيه جمله مفيده
والله ثم والله والله انا أغليك
ويبقى الغلا طول الليال الجديده
أن قلت احبك خاف ماوفي
أمانيك
وأنت أكبر من الحب وأشيا عديده
يفز قلبي لك إذا جيب طاريك
ويحن لك يشتاق لك يافريده
محتار انا هالحين مدري ش سميك
مقدر على وصفك صفاتك عنيده
تفوق وصف الشعر فلسان غاليك
لكن خذ هذي حقيقه اكيده
والله في قلبي فلا أحد يساويك