كتبت الشعر لعيونك..ولعيونك أبهديها
قصايد ساقها قلبي أبيك اليوم تقراها
اكسر واجبر بيوتي واعيد اكتبها وامحيها
ابيها تكون في روعه جمالك يا معناها
أبي تقرا ولا تهوى قصايد غيري يرويها
أبيك تعيش في جوي..وفي جوي أنا ابغاها
وابيك تقول للعالم تراني ساكن فيها
وأنا أول من قرا شعره وبعيونه انا اقراها
وابيك تفاخر بشعري وابيك تكون حاميها
وابي كل البشر تحسدك يا عمري على سواها
ابنخي القاف لعيونك وباجعل قافهافيها
وباكتب لك حروف خالده والحب يزهاها
وباجعل حبرها شوقي واخلي الشوق يحكيها
وبارسلها مع قلبي عساني فدوه خطاها
ولكني أنا خايف من الهجران يطويها
واكون بقلبها ذكرى..قديمه قد تناساها