~~ ***ْ~~** الجـــــــــــــــــــــــــــــــزء الثــــــــــــــــــــــــــامـــــــــــن**~~~~ِ ْ**ْ





(( في مزرعة ابو هند ))


*****************************

~’ خـــــــــطبة ’~

*******************************

في مجلس المزرعة

جالس ابو هند على الكنب الرفيع

يناظر حسن ، ابو هند : هذي والله الساعة المباركة ويشرفناا نسبكم

حسن يناظر عيونة : الله يبارك فيك ، بيدة الفنجال ..

ابوهند ويناظر الصينية : يبغا لنا يومين ونرد عليكم ؟

حسن : على خير يااخالي خذوا وقتكم ،، حط الفنجال ،،و قام واقف وهو يناظرة : انا استأأذن

ابو هند : تو النااس اجلس تقهوا

حسن : لاياعمي مشكور انا عندي شغل وبروح تامر على شي ؟؟

قام ابو هند وقف وهو يصافح ايدينة : ابغى سلامتك وان شاءالله مانتأأخر بالرد "

حسن : على خير مع السلامة ،،

ابو هند : الله يسلمك

وطلع يمشي برا المجلس وطلع للحديقة ، ونادا امة بصوت مرتفع : يمة يالله مشينااااا

ام حسن وهي جالسة مع هند : يالله جاااية

ناظرت عيون هند تتأملهاا : عن اذنك يابنيتي وزوريني

قامت واقفة وهي تناظر النخل يحركهاا الهواء ،، واخذت نفس : يالله مع السلامة

وعدلت عبايتها وهند تناظرها : الله يسلمك ان شاءالله ازورك ياخالتي مع السلامة ، تبتسم بوجهها

والهواء يطير شعرها الناعم ، < هند رابطة شعرهاا ومخلي شكلة يجنن .. وطويل لاخر ضهرهاا >

ام حسن لبست جزمتها وهي تمشي التفتت تناظر هند وتبتسم ومشت بطريقها،، وهند تناظرهاا مستغربة منهاا اليوم

لية تناظرني كذاا ؟؟!!

غريبـــــة ؟ !!

،،، بعد ماطلعواا ،، راحت هند لبوها في المجلس ، وقفت قدامة : يبة راحت ام حسن اطلع

ابوهند يناظر هند ويبتسم وهو سرحان : ززين جااي

قام وطلع للحديقة وهو يمشي ببطئ ، ناظر هند : هند تعالي اجلسي بكلمك بموضوع؟؟

هند ناظرت ابوها بستغرااب !؟ : ان شاءالله يبة

" جلست على الارض في الحديقة " وجلس ،

ابو هند : اليوم ام حسن خطبتك لولدها ، وابتسم يناظرها : ايش راايك ؟

هند استحت ونزلت عيونها وحمر وجهها : انت وش رايك ؟

ابو هند مسك ايد بنتة : راايي ان الولد ماشاءالله علية مايرد

هند ناظرت عيون ابوها : مدري يبة اللي تشوفة ...

ابو هند يناظرها : يعني انتي ماعندك مانع ؟

هند : ....

ابو هند : على خير برد عليهم بعد يومين وخوذي وقتك بالتفكير

هند نزلت راسها بخجل : على خير ان شاءالله

***********************************************

(( بعد الرحلة الطويلة ... ))

في امــــــريكااا


عمر يناضر بعيونة النااس : يالله نبغا ناخذ لنا تاكسي


ودلال واقفة جنبة ، وياسر يناظرهاا وفي نفسة ، والله ماتوقعت ياعمر اختك حلووة كذاا

" ودلال لابسة حجاب طالع وجههاا " وياسر اكلها بنظراتة "

ياسر يناظر عمر : هذاا لموزين تعاالواا ،، و مشاا لة

بعد ماوصلهم الموزين للمدينة ، وصلوا المبنى السكني ووصل عمر ياسر لمكانة ، ودخل هو ودلال سكنهم ،،



************************************************** *****************

(( في بيت الجدة ،، ام بدرية ))


رحاب جالسةعلى السرير في غرفة البناات

، تتذكر تركي وشكلة وجسمة ،،

تكلم نفسهاا بهمس: ابغاا اطلعة من قلبي مو قادرة اطلعة اطلع اااطلع ..

انفتح باب الغرفة ،، ورفعت رحاب عيونهاا بقلق ، انصدمت من اللي شافتة ..

فارس قدامهااا ويناظرهاا معجب فيهااا ..!

عيونهم بعيون بعض ،، رحاب انحرجت ونزلت رااسها ، وهو لاحضهاا وطلع .. وفي نفس فارس " عيونهاا جذاابة ونعوومة " ....

رحاب قامت واقفة وراحت تسكر الباب ووقفت قدام المرااية تناظر وجهها ، وتتلمس وجهها بصابع ايدها بنعومة ، همست : اااة بس لو

اتذكر شي بحياااتي ،، رجع ياأألمهاا رااسهاا ...

،، ومشى فارس براا الغرفة وراح لغرفتة وهو يفكر برحااب ، يحس ان كل عرق بدمة ينبض بسمها وقلبة احتل صورتهاا ..

وفي قلبة .... " ااااحبك يافجر ؟ متى ترجع لك ذاكرتك ووواتزوجك " متى ؟! ــــ فتح باب غرفتة بيدينة ودخل الغرفة

وانسدح على السرير يفكر فيهاا ،،

...// انفتح الباب //، وناظرت رحاب الباب وهي ترجف وخاايفة ،، دخلت نجود ببتسامتهاا

رحاب اخذت نفس وهي تناظرها ،، نجود : السلام عليكم وش فيك ؟

رحاب تنهدت : وعليكم السلام مافيني شي ، وابتسمت في وجهها ..

نجود : اهااا ، راحت تجلس على السرير وهي تناظر رحااب ، رحاب وقفت قدامهاا " وهي تحك راسها بأستهباال ": بسأألك ؟

نجود : اسأألي ؟؟

رحاب : انتي امس ماتغطيتي من فارس لية ؟؟

نجود ابتسمت : هههه ... ايووة يصير اخوي من الرضااع .. ، وناظرتها بجدية : بس لية السؤال ؟


رحاب برتياح : لان شفتك امس فاتشة لة فاستغربت ،، سكتت شوي ،،: عشان كذا احترت ؟

نجود قامت تاخذ ريموت التلفزيون وتفتحة وجلست على الكنب البني : لاتحتاارين

رحاب ابتسمت وراحت تجلس بجنبهاا ،، وبعد شوي دخلت شوق عليهم وهي تصارخ : وش تســـوون هـــنا"

تأأشــــــر بيدها عليهم : " وانا جالسة تحت باالمطبخ اكرف "

واسوي كيك..

نجود تمد بوزهاا : ههههههه محد قالك سوي كيك !

شوق ابتسمت : ههههههههه مشتهيتة غصب عني ولا مو مسوية عشانكم الصراحة راحة !

كلهم : هههههههههههههههههههههههههه

........... فارس جالس بغرفتة ويفكر برحااب ؟ وفي نفسه" .. اقدر اتزوجهااا بس كيف ! يقولون أنها فاقدة ذاكرتهااا بس انا بصبر

حبيتها ومو متخلي عنها واذا رجعت ذاكرتها لهاا بتزوجها ،ابتسم بدااخلة واخذ نفس ،

يرضي نفسة ،وقام واقف ونزل تحت عند امة وجدتة


************************************************** ***********

عهود وطارق

************************************************** *********

واول يوم لهم بدواماتهم ......


طارق جالس يفطر هو وعهود ،

عهود تناظر السااعة ، مااتاخرناا

طارق وهو ماسك الكاس : لا باقي وقت افطري

عهود : خاايفة لانة اول يوم

طارق يبتسم بوجهها : لاتخافين وتوكلي على الله

عهود : والنعم بالله

طارق اخذ نفس وهو يناظرها : الحمدلله

عهود قامت تضف السفرة وترتب ، وطارق قام يلبس جكيتة ،

طارق وهو واقف عند الباب ويناظر عهود : يالله عهود مشيناا

عهود جت لة وهي تعدل لبس حجابهاا الي على وجهها : طيب جيت

نزلواا تحت العمارة وركبوا السيارة ووصل طارق عهود ودلها المكان وهو راح لجامعتة ...

بعد ماتركهاا طارق ... واقفة تناظر النااس الوان واشكال اللي اشقر واالي اسمر ..، وفي منهم سعوديين "

دخلت للقاعة ومن كثر الطلاب متشتت تفكيرهاا " وماتعرف احد ..


**************************

عمر واختة دلال ..

طلع عمر من السكن هو ودلال " وقدامهم ياسر يناظرهم "

ياسر ينقل نظراتة بينهم ببتسامتة : السلام عليكم

عمر يناظرة: وعليكم السلام افطرت ؟

ياسر يبتسم ويناظرهم : لاطبعا مافي وقت بالجامعة افطر ...

عمر : صادق مافي وقت يالله نمشي لانتأأخر

دلال تناظر طارق بعيونها الواسعة وبوجهها الجذاب .. وياسر ينبض قلبة لهاا كل ماشافهاا حب وجهاا وابتسماتها وعيونها .وخفت دمهاا .

وعيونة ماتنزل عن عيونها واذا التفت عمر يناظرة يبعد نضرة عن دلال بسرعة عشان مايلاحظ الحب الي بعيون ياسر لدلال ..


ودلال تحاول ماتناظرة ..

عمر وصل دلال لجامعتها وراحوا ..

دخلت دلال القاعة وهي ماتعرف احد وتناظر الوجية اللي اول مرة تشوفهاا وتفكر من اجلس معة شافت وحدة من بعيد ، وتوقعت

بداخلهااا ان شكلها عربية، وفكرت خلني اروح اكلمهاا اذا ارتحت لها جلست معهاا ،، وراحت لها ووقفت عندهاا وهي تناظرهاا

،، وقالت دلال بالانجليزي : السلام عليكم " لان توقعت انها تكون اجنبية بجاذبية جمالها وبياضهاا ،،

عهود ناظرتها وتحركت شفايفها الصغيرة وطلعت اسنانها المصفوفة واالي فيها كرستالة تلمع بسنانها القدامية وابتسمت ، : وعليكم السلام

دلال انبهرت وتسعت عيونها وابتسمت بفرح : ياهلا والله انتي عربية ؟

عهود ناظرتها وابتسمت اكثر : هههههههه ايوة عربية وسعودية مثلك

دلال مدت ايدها تصافحها وبقلبها فرحانة ودخلت قلبهاا : وش عرفك اني سعودية ههههه انا حسبتك اجنبية على هالجمال ماشاءالله

عهود حمرت خدودها على خفيف وبس راسمة روج على شفايفها التوت الناعمة : تسلمي حبيبتي ، وهي ماسكة ايدها تصافحها

دلال : اذا سمحتيلي ممكن تقبليني صديقة لك ..؟

عهود ابتسمت بوجهها ومسكت ايد دلال وسحبتها وجلست جنبهاا : وش هاالحكي لااسمعة منك انتي دخلتي قلبي وبعدين انا مااعرف احد هناا

دلال : حتى انا يعلم الله حبيتك مرررة

..... وصارواا صديقاات من بعد هاالجلسة .. وكل وحدة اخذت رقم جوال الثانية ...


*************************************************

** الصباح الساعة السابعة **


في بيت ام حسن

حسن بغرفتة ، وقدام المراية يعدل شماغة بيدينة ،، دخلت علية امة وهي تناظرة : مااكلمك ابو هند ؟!

حسن في نفسة " ياليتة يردني ياارب " : .....

ام حسن تبحلق في عيونة وتأأشر بيدهاا علية : وش فيك وين رحت ... ناظرهاا بضيقة، واخذت نفس ترد علية : اقول ماكلمك ابو هند ؟؟

حسن وبداخلة متضاايق من هالسيرة : لالامارد ،، مشا براا الغرفة والتفت من بعيد لمة : مع السلامة


ام حسن بخيبة امل : الله يسلمك وان شاءالله يرد عليك بالموافقة ،، طلع حسن ومارد على امة لانة ضايق صدرة ..



*******************************************

في بيت الجدة ام بدرية

جالسين يفطرون عشان المدرسة ..

ورحاب بغرفتهاا نايمة والبنات جالسين يفطرون ..

فارس بضيقة وهو يناظر امة ، تردد يتكلم : يمة امس شفت ابوي ووووكلمني ..... ، سكت شوي ، وبداخلة ، كيف ببدا باالموضوع

اخاف اجرح امي ،، : كلمني بخصوص شوق يقول باخذهاا وانااا رديت علية قلت صعبة تترك امي وقالي انا بعد لازم اجي اعيش معة

سالت دمعة من عيونها وهي تناظر ولدها فارس : ابوووك مايحس يبغا يكسر قلبي حراام علية مقدر اعيش بدونكم ..

اخذت نفس بضيقة ... : وينة كل هاالسنين توة يتذكركم ؟ ولا يبغاا يستقوي علي !!

فارس بضيقة دموعة تسيل .. والجدة ام بدرية وشوق يبكون ونجود بعد ضاق صدرهاا عليهم ..

شوق اخذت نفس وهي تشاهق من الصياح وبدفاع عن نفسهاا : مو مخليتة ياخذني مو على كيفة !

فارس : بحااول معة مع انة هددني .. وسكت ونزل رااسة بضيقة

شوق ماسكة كاس الموية بيدها وحطتة وتناظرهم وقامت وهي تبكي وركبت الدرج فوق لغرفتهاا


*************************************************

بعد يومين ...

في مزرعة ام حسن

واقفة ام حسن باالحوش وهي تناظر حسن بقلق ،، تحركت شفايفها : هااااااة أيـــــــش رد عليك ؟؟

حسن ماسك الجوال بيدة ناظرة بعيونة ، وحطة بجيبة .. وبدااخلة حزين ،، وناظرامة وعيونة يغمضها ويلف وجههة عنهاا

ام حسن قربت لة وحطت ايدهاا على كتفة : مااجاوبتني ؟! ايش رد عليك ابو هند ؟

، لف وجههة لهاا وحاول يرسم بسمة على شفاتة الحزينة : واافق يزوجني بنتة ..

ام حسن ابتسمت اكثر وفي عيونها تجمعت الدموع من الفرحة وناظرتة وحركت شفايفها وطلعت اسنانها : كلوووووووووووووووش

الف الف الف مبــــــــــــــــروك ... ياوليدي تستااهلهاا ..

حسن يناظرهاا وشاد على شفتة وماسك عبرتة ودموعة تجمعت بعيونه : الله يبارك فيك ،، ونزل راسة يناظر الارض بحزن ..

ام حسن تناظرة ،ولمست وجهه بيدهاا بنعومة ..،،: لية تبـــــكي ؟!! ،،، ناظرها حسن وبداخلة مقهور مايبغي يضلم البنت واامة ،،

حسن رسم بسمة بشفااتة ، وبداخلة بركااان : اابد يمة هذي دموع الفرح .. ولف وجهه ومشاا خطوااات ..

وام حسن قرصهاا قلبها على ولدها وخافت انة مايبغى هند جااد .. تكلم نفسها، لالامصيرة بيحبهاا اذا تزوجهااا

ومشت ورااة عشان تكلمة يكلم ابو هند ويتفق معة على الملكة ...


************************************************** *************

في الليل الساعة التاسعة

في بيت الجدة ام بدرية

البنات جالسين في غرفتهم ، والجدة وبدرية وفارس بالصالة جالسين ،،

الجدة ام بدرية : ياوليدي كيف الشغل معك

فارس ابتسم بوجهها وناظرها وهو يحرك ايدينة : الحمدلله يااايمة

الجدة : ماتبغى نخطب لك ونفرح فيك ؟

فارس فتح عيونة وناظرة : لالايمة تو النااس اذا تزوجواا خواتي تزوجت ،،وابتسم يناظر امة ويغمز لهاا

بدرية ، غمزت له بعيونها : ليـــــــة ؟؟ في بالك وحدة وماقلتلناا

فارس ابتسم وطلعت اسنانة : الا بس مو وقتة الحين اقولكم اذا بغيت اخطبها قلت لكم ، وغمز لهم يستهبل

وهم يضحكون علية،، الجدة : عاد قولنا منهي اللي في باالك لية تخبي عليناا؟!

فارس : كذاا مو قاايل ههههههه

،،،،،،، عند البناات ،،،،،،،،

شوق حاطة في اذنها الجوال وتكلم صديقتهاا ،، ونجود جالسة على الكنب ومعها كتاب تدرس ،، ورحاب جالسة تناظر التلفزيون

وتناظر بملل ..

ـــــــــ في الصاالة ـــــــــــ

يسولفون ، سمعواا صوت جرس البااب يرن ..

فارس قام وااقف : بروح اشوف من عند الباب ،، مشاا يفتح الباب ..،

الجدة : من يجيناا هاالوقت الساعة عشر !!؟

بدرية : ااية والله غريبة من جاايناا يمكن الجيراان

ــ فتح فارس الباب ،، وناظر بعيونة الشخص الوااقف ، وارتجف وخااف منة ، وعظ على شفتة ،، وفتح لة الباب ..


********************************************

ـــ من الشخص الي فتح لة الباب فارس ؟؟

ـــ وكيف بتكون صداقة عهود ودلال ؟؟

ـــ وهل بيلتقي طارق بعمر وياسر ؟؟

ـــ وحسن هل بيرفض زواجة بهند او بيتقبل الواقع ؟؟


انتظرونـــــي في الجـــــــزء التــــــاســــــــع