هذا الجهاز مهم للي بزارينهم يضيعون الريموت الكونترول حق التلفزيون أو الرسيفر وكل يوم يدورون عليه ساعتين أو يمكن ما يحصلونه طول اليوم ..

الجهاز عبارة عن قطعتين .. الاولى تلزق على الريموت أما الثانية فهي عبارة عن صفيرة صغيرة ويمكنك الاستغناء عنها والتصفير بفمك بدونها

كل ما ضاع عليك الريموت ما عليك إلا أنك تصفر (صوت صفير) وبتسمع الرد من الجهاز الملزوق على الريموت يقولك إنا هنا يامعلم .. خخخخخخ لا تصدقون عاد لكن بتسمع صوت رنين من الجهاز مثل البيجر وبتعرف وين الريموت ..

هذا شكله






------------------------------------------

الجهاز الرابع

للمبتلشين بالمدخنين سواء في البيت أو في العمل .. والجهاز ذا يقوم بتنقية الجو بس ميزته أنه يشتغل على منفذ USB يو إس بي











----------------------------------------------------------------------------

الجهاز الخامس

أسهل طريقة لنقل الملفات بين جهازين .. تشبك في الجهاز الاول على USB وفي الجهاز الثاني على USB وبعدها تنقل الملفات بين الجهازين بطريقة السحب والإفلات Drag & Drop أو النسخ واللصق .. سرعة النقل 25 ميجا/ثانية وطول سلكه 4 أقدام يمكن لفه داخل الجهاز نفسه













--------------------------------------------------------------------------------

الجهاز السادس

هذا الجهاز للطورئ وللضعوف اللي ما عندهم بطارية احتياطية للجوال ... الجهاز عبارة عن شاحن يدوي (هندل) تمسك الهندل بيدك وتقعد تفر فيه وهو يشحن

يعني جوالك بينشحن على قد شغلك .. خل شغل الجيم GYM يطلع هنا هعهع











-----------------------------------------------------------------------

الحين خلونا من الاجهزة ونبي نشوف حركات تنفع

مثل ذا الكاس .. كلنا نعرف كورة البلازما اللي تسوي خطوط كهربائية مثل البرق داخلها اذا لمستها بدون ما تضرك طبعا..

هذا الكاس بنفس الفكرة يجي بقاعدة .. إذا شلته من فوق القاعدة يصير كاس عادي
















------------------------------------------------------

وش تتوقعون ذي الصورة .. أكيد واضح شكله حبة دواء .. صح ... طيب إنزل شوي






اذا كنت مصمم اصبر شوي للصورة اللي بعدها (صورة متحركة) واعرف بنفسك وش ذا

|

|

|

|

V






حط كم نقطة موية على ذي القطعة وبيطلعك منشفة وجه ... ياسلاااااااااام

هبال اليابانيين ماله نهاية..

------------------------------------------------------------------

طيب ما دامنا في هبال اليابانيين .. خل نشوف هدية من الهدايا اليابانية

العادة أن الواحد يشتري خضروات أو فواكه معلبة أما انه يشتري زهور أو ورود معلبة .. شي غريب ..صح!






اختر النوع اللي يناسبك من النباتات الموضحة أعلاه ...

وبعدها افتح العلبة واسقيها موية 3 أيام مع توفير ضوء الشمس وبعدها لاحظ التغير











ذي علبة فيها بذرة سحرية بعد ما تسقيها 3 ايام تطلع لك ومكتوب عليها (I Love You) بشكل واضح مثل الصور أدناه

تخيل تعطيها زوجتك أو خطيبتك وتوصيها تهتم فيها وبتشوف مفاجأة بعد 3 أيام .. بصراحة قمة الرومانسية..
















تحياتي