بنشدك عن بعض العرب وعطني الشور
عطني علومك عن اهل الجهل والهبال
وفرق بين العاقل واسمى به عن المضرور
قل كل شي بقصيدك كل شي عنهم يقال
يجيك العلم واضح متربع على السطور
يبين العاقل ويكشف لك باقي الاحوال
هاك العلم بالقصيد مرتب ومنثور
فك العمى وتلقى اصناف الرجال
يعوي الذيب لا من شاف هل الزور
يقدح شراره من فوق روس الجبال
ما يرضى بالذل ولا يخاوي المغرور
يجنب اهل الكذب ولا يماشي الانذال
وبعض العرب يا صاحبي كنه الثور
يضحك ويلعب وبهباله دوم يختال
مصدر للتسالي وبالجهل صاير دكتور
رحمتك يا رب ضاعت علوم الرجال
يرضي بنيه لاجل يكسب المستور
يضحك لها وتضحك من زود الخبال
ينول مراده يخاويها ويتركها بعد شهور
يقول احبك وهو يضحك حب جهال
جده هزل وهزاله نفاق كذب وجور
هذي وصوفه وشعوره كما التمثال
ميت قلبه من الهزل وميت شعور
انصحك لا ترافقه وترمي العقال
تندم على خوته يوم تلقاه مخبور
هذا راعي الجهل تعرفه من اميال
ابعد عن دروبه وخل بينكم سور
واسمع وصوف راعين الامثال
رجال لهم هيبه وشموخهم مكثور
لا ماتو يبقى ذكرهم بين الاجيال
سوالف ترد الروح لميتين الصدور
هل الشدايد مرقاهم روس الطوال
ما يعرفون الذل بهم الفخر موفور
تفخر بخوتهم ودك بهم طول الليال
وودك تخاويهم لا ضمتهم القبور
يا الله ترحم رجال تكرارهم محال
وانا يا صاحبي بخوتك مسرور
افخر بصحبة رجال لهم قول وافعال
رجل لا من ذكرتك يبدي النور
ويبدي بالسمى برق صعب ينال
انا اشهد اني بك يا صاحبي مشهور
يكفيني انك متجنب فعل الاطفال
لا تنشدني عن الحب والحب مقبور
من عقب العام مالي بالهوى مجال
هذي وصوفهم يا ابو سلطان بسطور
كتبتها ولا همني منهم مهزوز الاقوال
وختامها سلامي على قلبي المهجور
وسلام على الصاحب اللي ماله مثال
عدد وبل المزون برد وماي وطهور
وعداد نبت الارض وما تحمل من جبال
كلمات/ شــــــاعر اهــــــات