04-28-2014, 10:30 AM
|
#1 | |
|
تغريداتي ( اجتماعيه - غزليه - وطنيه - )
تغريداتي ( اجتماعيه - غزليه - وطنيه - )
موسوعة إعيونك دواوين الاشعار فيها هوى شاعر وفيها ترف ليل رد اعتبار الشمس لعيون الازهار يالجادل الرعبوب يافتنة الجيل _________________الشاعر حسن اللغبي___ ماللوفاء والعز قيمه بدونك يامصدر الابداع يابحره الجم ياكثرهم في خاطري يحسدونك يوم الشعر ماله خوال (ن)ولا عم" _________________الشاعر حسن اللغبي___ يازين من يسجد لربه وناجاه في ساعة (ن)كل الخلايق نياما الموت مايعرف هل المال والجاه كل البشر عنده سوى بالتماما _________________الشاعر حسن اللغبي___ مهره يروضها على العز خيال تبقى على حب المعالي شغوفه _________________الشاعر حسن اللغبي___ لو نسال التاريخ من لابة الدوف ؟ جاوب بكل الفخر روس الشيابين فعل الردى عنكم اصمن ومكفوف ياللي لكم في كل دوله ميادين اهداء/ للشيابين عتيبه _________________الشاعر حسن اللغبي___ ياباسط الدنيا ورافع سماها سجل حضوري في صفوف المصلين هذي هي الدنيا بعيد (ن)مداها ياماطوت تحت الثرى من سلاطين _________________الشاعر حسن اللغبي___ فكرك . واختيارك. وذوقك هي صورتك.لوكان وجهك محجب يعني بقايا ذكرياتك وشوقك بعقلك .خل بينك وبينا تعجب !! _________________الشاعر حسن اللغبي___ لوفهمنا بالزمن ذا حاجتين ماكتبنا اشعورنا نظم ونثر تكتب الارزاق. وبن آدم جنين والقدر نافذ. وأمانينا كثر" _________________الشاعر حسن اللغبي___ آرى ملامح صورتك في حروفك تعكس معاناتك وقسوة سنينك ! _________________الشاعر حسن اللغبي___ ودي اهيم بعالمك وانحر الشوق وافجر احساس الغلاء في كيانك يازهرة الدنيا وياقمة الذوق جمال كل الكون سره حنانك _________________الشاعر حسن اللغبي___ ياهاجسي خل القلم واترك البوك واشلع برجم دونه الذيب عاوي باب الشعر مفتوح ماهو بمصكوك وانا على الشرد من الشعر قاوي _________________الشاعر حسن اللغبي___ أخشى خيالي فيك يبتز الاشعار ويسرق بنات الفكر من كل شاعر يكفيك مع طلتك تختال الازهار والعطر يرشف منك نبض المشاعر _________________الشاعر حسن اللغبي___ دايم تلاقي في وجيه المطاليق محجى ومنجى بالليال العسيره عز الرجال اللي تصون المواثيق ماللردى في طبعهم اي سيره _________________الشاعر حسن اللغبي___ اللي قطع في داخلي حبه اميال يبقى منى قلبي وجرحه وطبه ملامحه مع رقصة الموج تختال وسر الجمال بكوكب الارض صبه _________________الشاعر حسن اللغبي___ مايستغل إظروف خلق الله سوى الرجل الضعيف وما ينصر إضعوف البشر إلا الرجال الاقويا _________________الشاعر حسن اللغبي___ ماكل من يكتب من الشعر بيتين ينقاله مبدع وشاعر حماسي كم يابيوت (ن)وزنها وزن فلين وكم بيت ثقله كالجبال الرواسي _________________الشاعر حسن اللغبي___ كثر الهياط وكثرو أهل البعارين وكلن شرى بالمال عزوه ولابه ياللي مجمد في حسابك ملايين كم واحد (ن)محتاج دقيت بابه ؟" _________________الشاعر حسن اللغبي___ يامدعين الشعر منتم هلن له نسمع رعودن بس من دون نوه العبدلي ديوان اقرو سجــله الشعر حدد عند حضرة سموه _________________الشاعر حسن اللغبي___ الشعب واحد في ولاه وسلومه ماينقسم بالكيد صف المصلين يحيا العلم خفاق تحيا الحكومه في ظل عبدالله كعام المعادين _________________الشاعر حسن اللغبي___ اسألو التاريخ دامتها عــــزاوي من هل العوجا ؟ومن نجد العذيه من هل الامجاد والتاريخ راوي من هل الوقفات والنيران حيه _________________الشاعر حسن اللغبي___ إرسم على وجه التفاؤل طموحك واحسن نيتك. وباب الاحباط سده العنصريه جهل . يهدم صروحك والعلم نور . كل جهل(ن) يصده _________________الشاعر حسن اللغبي___ بنحت على صم الصخور الجلاميد كل العوايد في زمنا يتيمه ضاعت سلوم الوقت بين الاجاويد والحال يبكيها وروحه سقيمه _________________الشاعر حسن اللغبي___ عزيز نفس وعزتي تنطح الغيم فوق الثريا فوق يا اهل المروه الحمدلله ماشكى راسي الضيم والمجد ربعي تلتقي في علوه _________________الشاعر حسن اللغبي___ ياسوريا العالم دموعه ذرفها ومن القهر قلبي تهاوت ركونه الطاهره تغصب ويهتك شرفها والطفل تذبح فرحته في عيونه اللهم انصرهم _________________الشاعر حسن اللغبي___ انحر على حد الشفق غيمة الحزن وابدى مــع الايام رحــــلة سنينك تلقى سحايب غربتك تحمل المزن تعكس مـــــلامح خيمة تو عينك _________________الشاعر حسن اللغبي___ عتيبه الهيلا شيوخ وسلاطين اعلامها فوق الثريا ترفرف بفعالها تشهد جميع الميادين في صحفة التاريخ اسم (ن)يشرف _________________الشاعر حسن اللغبي___ الحر بالمقناص يفرق عن البوم وهداج تيما منه الافكار شربن الحب دوله فيه حاكم ومحكوم واحيان بحرن دون مرسا وغبن _________________الشاعر حسن اللغبي___ ماودي اطرق باب بالحيل مردود اخشى القوافي تختلف في سراها واصبح عن الانظار غايب ومفقود تخطفني الامواج حزة لقاها . _________________الشاعر حسن اللغبي___ ضاع الرفيق وضاع معنى الاخوه لاتقتضي دينك من الناس بالدين؟ الدهر ما يخفاك خيره وســــــوه!! كم نكس أعلامٍ وجندل سلاطيــــن _________________الشاعر حسن اللغبي___ ماذل نفسي عند ناس ولاشي يبشر بي اللي بالمواقف عنالي ماني من اللي زادهم ينأكل ني ياما اكلت الصيد عقب استوالي _________________الشاعر حسن اللغبي___ |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
|
العرض الشجري
